SUNDA medal tina bahasa sansakerta anu hartina CAI atawa CAHAYA. Dina samentawis carita nu sejen Sunda mangrupakeun puseur dayeuh karajaan Tarumanagara (deukeut sisi walungan Citarum anu antubna disebutkeun nagara tarum / Tarumanagara) nyaeta Sundapura. Padumukan wilayah anu asup kana kakuasaan Tarumanagara ngawitan ti dinya disebut urang sunda. Hiji buktos ti naskah kuno Tiongkok jeung prasasti-prasasti anu ka panggih, Karajaan Tarumanagara teh salah sahiji karajaan anu pangkolotna di Nusantara. Tina sabagian cariosan ti para sepuh para karuhun, yen puseur dayeuh eta ngancikna di daerah Karawang (katelah Kuta Tandingan). Hiji-hijina candi nu lega na 5 km pasagi aya di Batujaya (Candi Batujaya) nyaeta di Talagajaya Pakisjaya nu mesat dina kabudayaanna ti awit abad 2 Masehi dugi ka 12 Masehi.
Muara Citarum ngabeulah tempat Candi Batujaya jeung Candi Cibuaya. Raja anu kakoncara saprak karajaan ngadeg nyaeta Prabu Purnawarman (taun 417 M). Salametan jeung sodakoh tara kaliwat Prabu, henteu kurangna 1000 sapi atawa sasatoan anu lian sok dibagi-bagikeun.
0 Komentar